Posiano Lwakataka kukomwa ameezi 16.

123
0
SHARE

N’ebya Eric Yiga

Omuramuzi wa kooti y’eidaara ry’okubanza, Patience Koburunga acweriire omuvugi w’emotoka z’empaka omu Uganda, Posiano Lwakataka kukomwa ameezi 16 omu kihome ahabw’okushiisha ebintu.

Lwakataka, 51, asindikirwe omu kihome kya Kauga n’amwine nyina John Ssekitoleko ahabw’okusingisibwa omushango gw’okutaahirira omutuura bakashisha ebintu bye.

Omutonganirizi wa gavumenti, Jonathan Muwaganya akagambira kooti ngu aha biro 22/12/2018 obwo bari omuri Seeta omu disiturikiti eya Mukono, Lwakataka, Kabuuka  Abbas, Brian Lukwago, Hitro Fred, Ssemakula Brian, Tamale Siraje, Waisa Isa Okiror Solomon na Nakafeero Rose bakashenya enju ya Kawooya George William, 74, omutuura wa Goma omuri Mukono.

Obuhababi nibugira ngu omu kwezi nikwo kumwe, Lwakataka n’abandi nabwo bakakora omushango nigwo gumwe ahari Joseline Natukunda owa Seeta omuri Mukono.

Okurugiirira aha bujurizi oburetsirwe omu kooti, Lwakataka na Ssekitoleko bakakoresa empango n’ebindi bikwato kushenya enju ya Kawooya ahabw’enshonga z’eitaka.

Aha mushango ogu, Lwakataka acweriirwe kukomwa ameezi 18 omu kihome. Aha mushango gw’okutema singenge ya Joseline Natukunda, ababiri aba bacweriirwe kukomwa ameezi 4. Beitu ekifubiro eki omuramuzi akikyenderizeho ameezi 2 ahabw’okugira ngu banyakujunanwa babaire bamazire ameezi 2 aha rumanda kuruga ebiro 13/09/2022. Eki kikijaho bwanyima y’okushaba kwe kwemererwa kushazibwamu.

#WestUpdates.

LEAVE A REPLY