Amaka agateganisibwe eihunga gatungire obuhwezi.

153
0
SHARE

N’ebya Adolf Ayoreka, Rwampara

Amaka 100 ahari 1,613 ag’omugomborora ya Mwizi omu disiturikiti ya Rwampara agateganisiibwe eihunga aha biro 30/09/2022 gatungire obuhwezi bw’ebitari by’okurya kuruga omu kitongore ekya Uganda Red Cross Society.

Ebintu ebi bahairwe nyomwebazyo ebiro 22/11/2022 harimu za bulangiti, ebidomora, entundubaare, esoforiya, emikyeeka, amataara ga Solar n’efuka.

Ebintu ebihairwe abatuura ba Mwizi omuri Rwampara abaateirwe eihunga. PHOTO: Adolf Ayoreka

Ebyaro 7 by’omuri Mwizi ebirimu; Kakoni 1, Kakoni 2, Rwenyaga, Kyeyare, Kyoma, Kimuri-Kabaya na Kigaga, bikateerwa eihunga ry’amaani eryacwekyereize emisiri y’ebihingwa omuri ey’ebihimba, emondi, omugusha, ebitakuri, omwaani, obushaza, entookye n’ebindi.

Emotoka erimu obuhwezi bw’ebintu ebihairwe abatuura ba Mwizi abaateirwe eihunga. PHOTO: Adolf Ayoreka

Eihunga eri hoona rikaita omuntu omwe owamanyirwe nka George Turyahikayo, 40, omutuura w’omukyaro kya Kabaya.

Omuny’ishengyero wa Rwampara East, Julius Karuhanga Tusiime, obaire ariho ebintu birikuheebwayo agizire ngu obuhwezi obu ni bukye wagyeragyeranisa n’amaka agateganisibwe n’oku ebintu byaabo byasisikairemu.

Omuny’ishengyero Karuhanga, aba Red Cross n’abatuura ba Mwizi abatungire obuhwezi. PHOTO: Adolf Ayoreka

Ceeyamaani w’egomborora ya Mwizi, Godfrey Sande ashabire gavumenti okurahuka kuhweraho abantu abu amaju gaabo garugirweho amabaati n’okubatungira obuhwezi bw’eby’okurya.

#WestUpdates

LEAVE A REPLY