Ebola: Minisiture y’eby’amagara yaahamiza abanya-Uganda.

96
0
SHARE

N’ebya Michael Odeng

Minisiture y’eby’amagara yaashaba abantu kuganiira n’okuhika abantu abetabire omu kwiruka okutebekanisibwe aba MTN omuri Kampala ngu ahabw’okuba abantu abo tibaine burwaire nari obubonero bw’endwara ya Ebola.

Eki nikiijaho bwanyima y’amakuru gatari gamwe na gamwe kugamba ku okwiruka okukozirwe aba MTN omuri Kampala aha Sande nikujanjaaza munonga endwara ya Ebola.

Omu kihandiiko ekishohoziibwe nyomwebazyo ebiro 21/11/2022, Minisiture y’eby’amagara emanyise abantu ngu bwanyima y’okwebuza aha bahangu, baikirize okwiruka oku kubaaho bwanyima y’okucondooza bakamanya ngu tikurikubaasa kujanjaaza endwara ya Ebola omu bakwetabiremu.

Minisiture nekyoreka ngu oihireho oburwaire obwa COVID-19, endwara ya Ebola nejanjaara munonga, abantu baaba baine obubonero bwayo.

Minisiture y’eby’amagara negira ngu Kampala n’emyanya egiherire tekatungire muntu weena owakwatsirwe endwara ya Ebola oihireho abari omu ‘Quarantine’ abahikineho n’abantu abahamiibwe kuba baine Ebola omuri Kampala.

Minisiture hoona negira ngu eby’entambura omuri za disiturikiti eya Mubende na Kassanda ezirimu endwara ya Ebola bikemerezibwa ahabw’okwenda kwerinda okujanjaaza endwara ya Ebola omu bicweka ebindi by’eihanga.

#WestUpdates

LEAVE A REPLY