Siipika Among nayenda emishaara y’abakozi ba gavumenti eshwijumwe.

315
0
SHARE

N’ebya John Odyek na Paul Kiwuwa 

Siipika wa Paramenti, Anita Among naashaba akakiiko k’enshonga z’oburinganiza aka Equal Opportunities Commission okucondooza bakashwijuma omu butari buringaniza omu mishaara y’abakozi ba gavumenti.

 “Abakozi abamwe nibatunga omushaara mwingi okukira abandi. Akakiiko k’eby’oburuuru na Paramenti nibatunga omushaara mwingi okukira abandi. Obu tiburi buringaniza. Twine kushwijuma emishaara egi”. Among arikushoborora.

Among agambiire ebi obu abaire naayakira rupoota y’enshonga z’oburinganiza omu Uganda ey’omwaka 2022. Rupoota egi ehairweyo mukuru w’akakiiko aka, Safia Nalule n’abandi bamemba ba board.

Among naagira ngu Paramenti eshabire gavumenti okutaho akakiiko k’okushwijuma emishaara ahabw’okwenda kureetaho oburinganiza omu kushashura omushaara abakozi ba gavumenti.

Nayongyeraho ngu rupoota y’akakiiko k’enshonga z’oburinganiza ey’omwaka ogwa 2017 ekaretaho ebibuuzo bingi ahabutari buringaniza omu mishaara omu kitongore ky’abakozi.

#WestUpdates

LEAVE A REPLY