Diisi wa Ntungamo n’abandi 3 bakwatsirwe ahabw’okutaho amarwariro g’ebishobobo.

394
0
SHARE

N’ebya Rwambuka Mugisha

Pooriisi omuri Ntungamo ekwatsire Diisi wa Ntungamo (CAO), Nassar Mukiibi okwatsirwe orwakabiri rw’ebiro 25/10/2022 ahabw’okugambwa kuba yaateireho amarwariro g’ebishobobo.

Mukiibi akwatsirwe n’abandi bakozi be 3 abarimu; orikukora nka mukuru w’eby’esente, Muhwezi Frank Buhamizo, Coleb Natuhamya, orikukurira eby’okucondooza ebitabo bya sente hamwe n’orikucondooza ebitabo bya sente aha disiturikiti Ezra Tukesiga-Mukama.

Hoona, abandi bakuru omu disiturikiti nabo abu Pooriisi erikwenda abarikugambwa kuba bakibuzire ni; Orikujunanizibwa ahabw’emishaara, Arthur Mwebesa hamwe n’orikukurira enshonga z’abakozi Mary Tukundane.

Abantu 4 abakwatsirwe Pooriisi hamwe n’akakiiko ka State House akarikurwanisa obushomankuzi omu kitongore ky’eby’amagara akabaire kebeembirwe Dr. Brian Arinaitwe. Abakwatsirwe batwirwe aha Pooriisi kukora obuhandiikye.

Omuduumizi wa Pooriisi ahabwa disiturikiti eya Ntungamo, Patience Baganzi naagira ngu abakwatsirwe nibaija kuteebwaho omushango gw’okukoresa kubi ofiisi n’okufeerereza gavumenti esente n’endiijo mishango.

Aba nabwo nibajunaanwa okutaho amarwariro g’ekishobobo, okushashura abakozi abatari mu buheereza, okushashura abakozi abatakabaho ga n’endiijo mishango.

Diisi, Nasser Mukiibi, naagambwa kuba yaatandikireho amarwariro g’ekishobobo aga Health Centre IV agarimu: Rwabarata Health Center IV, Rwakabengo, Rwakakwenda, Rwakishakizi, Rwamabondo, Rwamujojo, Rwamuniori, Rwamuranga na Rwamwanja goona agarikugambwa kuba gatakabaho ga omu disiturikiti ya Ntungamo.

Omuduumizi wa Pooriisi ya Ntungamo, Patience Baganzi, naagira ngu ba nyakuteekateekwaho nibaija kutwarwa omu kooti bajunaanwe okucondooza ku kuraahwe.

#WestUpdates

LEAVE A REPLY