Abakuru omumahe bariyo nibabangurwa omuri Turkey, India

115
0
SHARE

Abakuru omumahe bariyo nibabangurwa omuri Turkey, India

N’ebya Michael Odeng 

Abakuru omumahe ah’itendekyero ery’eby’okwerinda erya National Defence College, Uganda bariyo nibatunga okubangurwa omuri Turkey na India.

Owabaire nakurira akakiiko akarikurwanisa obushomankuzi omu State House, Col. Edith Nakalema arikurabira aha Twitter eriizooba yahandiika ngu baheerize okutendekwa omuri Turkey kandi eriizooba bahika omuri New Delhi, India ahi baraheeza wiiki emwe barikutendekwa.

Nakalema yaagira ngu bariyo nibatunga obukugu kubahwera omuntunguuka y’eihanga.

Ebiro ebihwaire, abakuru aba bebembeirwe Omuduumizi w’itendekyero erya NDC-U, Maj. Gen. Francis Okello babaire bari omu rutaayaayo rw’obwegyese omuri Turkey.

Col. Nakalema n’omwe ahabaserukare abu Purezidenti Museveni yatooraine omwaka oguhwaire kutendekwa ah’itendekyero ry’eby’okwerinda omu disiturikiti ya Jinja.

Abandi abari omukutendekwa oku harimu owabaireho omugambirizi w’amahe a UPDF, Brig. Flavia Byekwaso n’owabaire ari Omuduumizi w’amahe ga SFC, Brig. Peter Chandia.

LEAVE A REPLY