Murebeerere abaana abarikwetenga obwegyese obw’omutaano

424
0
SHARE

Abashomesa omuri Mbarara bajaguza ekiro kyabo

N’ebya Abdulkarim Ssengendo

Bakuru b’amashomero n’abashomesa kuruga omumashomero gatari gamwe na gamwe omuri Mbarara bayegaita ahamahanga agandi kukuza ekiro ky’abashomesa.

Omukoro gw’okukuza ekiro ky’abashomesa gwakorerwa aha ofiisi nkuru z’ekigombe ky’abashomesa ekya UNATU omu rurembo rwa Mbarara kandi gwayetabwamu abashomesa kuruga omu disiturikiti ya Mbarara hamwe na Mbarara City.

Arikugambaho n’abashomesa, Abel Muhinduza- orikukurira obwegyese obw’omutaano omu disiturikiti ya Mbarara, yabashaba okushoma emishomo y’okushomesa abeegi abarikwetengwa kushomesiibwa omungyere y’omutaano. Beitu hoona yahabura amashomero kwongyera omumbariirira yaabo puroguraamu y’okwegyesa abaana nk’aba.

Muhinduza beitu hoona yashaba obwebembezi bwa UNATU omu eihanga kwongyera ahasente z’okuhwera puroguraamu ez’okurebeerera n’okushomsea abaana abarikwetenga obwegyese obw’omutaano.

Omukoro ogu gwahikwaho Ceyamaani wa UNATU omuri Mbarara City, Naboth Mugume hamwe na Mukuru w’obwegyese omu disiturikiti ya Mbarara, Gabriel Ahimbisibwe owashaba abashomesa kugira emicwe mirungi ahamirimo yaabo.

LEAVE A REPLY