Abakozi ba gavumenti boona kuza aha koturakiti- Tayebwa.

145
0
SHARE

N’ebya Juliet Kasirye


Omuhwezi wa Siipika wa Paramenti, Thomas Tayebwa naagira ngu Omunya-Uganda ku arikuheeza kutunga omurimo gw’entuura kandi oguriho na Pension, oshanga atarikufayo kukora.

 Tayebwa naagira ngu enteekateeka ei gavumenti eine n’okureeba ngu abakozi boona aba gavumenti baheebwa za koturakiti kuza kutunga omurimo.

“Nobugana omuntu omubaara, aragiira ngu bamuheereze beer eyakabiri obwo arikugira ngu: nd’omukozi w’entuura omu gavumenti kandi nitunga na Pension. Nahati ndiyo ninywa aha sente zangye za Pension kandi nibakyesimisa,” Tayebwa arikushoborora.

Tayebwa okugamba ebi n’obu abaire ari aha kagyenyi k’okusibura abeegi abatwiire nibashoma Masters omubya bizinesi ah’itendekyero erya Makerere University Business School (MUBS) ahabw’omwaka gwa 2020/2022 akabaire ahari Kampala Serena Hotel.

Tayebwa abaire nagarukamu Principal wa MUBs, Prof. Wasswa Balunya oshabire gavumenti kutaho akakiiko k’okushwijuma emishara y’abakozi.

Balunywa ahaire eky’okureeberaho, ahi orikushanga kamishana omu gavumenti natunga nka shiringi miriyooni 3 z’omushara beitu oshanga navuga emotoka ya miriyooni 300. Tihariho kakwate koona ahagati y’ebintu bibiri ebi.

Ahaky’okutaho akakiiko k’okushwijuma emishara, Siipika Tayebwa agizire ngu namanya ngu Purezidenti Yoweri Museveni ariyo nateekateeka ahanshonga egi. Naagira ngu yaaherize kushaba akakiiko akarikujunanisibwa aha kuheereza emirimo aka Public Service Commission kureeba omunshonga egi.

#WestUpdates

LEAVE A REPLY