Pooriisi eriyo necondooza MP Odria oteire omupooriisi.

158
0
SHARE

N’ebya Isaac Nuwagaba

Pooriisi eriyo necondooza nk’oku omuny’ishengyero w’ishaza rya Aringa South omu disiturikiti ya Yumbe, Alioni Yorke Odria oteire ebikonde omu Pooriisi abaire ari aha murimo gwe aha Paramenti.

Omu Pooriisi oteirwe abaire ari omwe ahab’eby’okwerinda ababaire bateirweho kureebuza entwaza y’okuteera akaruuru k’okutoorana abajwekyerwa ba Uganda omu Paramenti ya East Africa erikushutama omuri Arusha, Tanzania.

Arikugambira ah’iguru, Odria akwatsire omu Pooriisi ogu obaire aine eboxi y’oburuuru ei ateekateekire ngu ebaire erimu obukongi bw’oburuuru bukyebiire.

Odria obaire atesimbire mu karuuru aka tabaasize kurinda ekiniga kye kandi agumizemu n’okujumirana nabwanyima ahikirire omu Pooriisi yamuteera ebikonde omutwe.

Fred Enanga, Omugambirizi wa Pooriisi ya Uganda naagira ngu bariyo nibacondooza kumanya ekirugirireho omuny’ishengyero ogu kuteera om Pooriisi obaire ari aha murimo gwe.

Abantu 28 nibo babaire besimbire omu karuuru aka kandi ahari aba abantu 9 nibo barabiremu.

Aba barimu; Rose Okullo, Mary Mugyenyi, Dennis Namara, James Kakooza, Stephen George Odongo, and Paul Musamali boona aba NRM, Gerald Siranda owa DP, Veronica Kadogo na Jacqueline Amongin.

Siipika wa Paramenti, Anita Among atabarukize abasingire kandi ajumiriire omuringo ogu Omuny’ishengyero Odria atwarizemu, nikwo kushaba abany’ishengyero kuheereza buri muntu ekitinisa.

#WestUpdates

LEAVE A REPLY