Paramenti ehingwiize ekihandiiko ky’okuheereza ebicweka by’omuntu.

128
0
SHARE

N’ebya Omushaki Weitu.

Paramenti ehingwiize ekihandiiko ky’eby’okuheereza ebicweka by’omuntu ky’omwaka ogwa 2022 ekya Uganda Human Organ Donation and Transplant Bill, ahi beihireho eky’abaana kugaba ebicweka byaabo by’emibiri.

Mukuru w’entebe y’akakiiko k’eby’amagara aka Paramenti, Charles Ayume, nagira ngu okuheerezayo ebicweka by’emibiri kuruga omu mwana ohuriire ekyo kihiirweho kimwe oihireho habaho enshonga etarikweeberwa ehamiibwe akakiiko n’okwikiriziibwa kw’omuzaire w’omwana nainga omuhwezi we ohamiibwe.

Nagira ngu omuntu orikuhenda akashorongo ako, naaba yakora orubanja kandi yaheeza kusiingwa orubanja orwo naaba nakomwa amagara gye goona.

Paramenti nabwo ezibiire okuheereza obuhwezi bw’ebicweka by’emibiri y’abantu abahagati y’emyaka 18 na 21 kwonka nabwo abakirikurebererwa abazaire, baaba bateikiriziibwe abazaire baabo.

Omuny’ishengyero, Ibrahim Ssemujju Nganda ekyo akihakaniise obwo agumize ngu engyenderwaho neyikiriza omuntu owahisya emyaka 18 nk’omuntu mukuru nikwo kutangaara ahabw’enki omuntu nk’ogwo ashemereire kubanza kandi yashaba okwikirizibwa kuruga omu bazaire be.

Attorney General, Kiryowa Kiwanuka ashoboroire enshonga egyo agumize ngu omuntu orikuba yaheerezayo ekicweka ky’omubiri gwe naaba nayetenga okuragurirwa kandi omuntu ogwo yaaba akirikkurebererwa abazaire, omuntu orikuba najunaanwa omurimo ogwo, nawe aine okuba namanyisibwa.

#WestUpdates

LEAVE A REPLY