Mugaruze emotoka ezabahairwe omubwire bwa COVID-19- Minisita Aceng.

136
0
SHARE

Minisita w’eby’amagara, Dr. Jane Ruth Aceng yaaragira abeebembezi ba disiturikiti okugaruzayo emotoka ezabahairwe omu bwire bwa COVID-19 kubaasa kukora omurimo gwazo gw’okurebuza eby’amagara ‘Surveillance’.

Dr. Aceng yagamba ebi eriizooba obuyaba nabuganaho bamemba ba kakiiko ka disitukiri ya Kassanda akateirweho kurwanisa #Ebola.

Orukiiko oru rwayetabwamu abakuru kuruga omu kitongore ky’eby’magara eky’ensi yoona, abakuru kuruga omu minisitry y’eby’amagara n’abandi baingi.

Disiturikiti ya Kassanda n’emwe ahari za disiturikiti ezahikirwemu oburwaire bwa #Ebola kandi abantu 2 nibo bahamiibwe kuba baine oburwaire obu reero abandi 2 nibateekateekwaho kuba baine #Ebola.

Abantu 33 nibo barikugambwa kuba bahikine n’abarwaire ba Ebola kandi bariyo nibarebuzibwa.

Minisita Aceng naashaba abantu okuguma berinzire kandi barebuke ngu butoosha banaaba omungaro na sabundi.

Naagira ngu #Ebola nerahuka kujanjaara beitu netambirwa.

#WestUpdates

LEAVE A REPLY