Eihanga tiriraije kugaruka omukukingwaho – Purezidenti Museveni

136
0
SHARE

Purezidenti Yoweri Museveni ahamisiriirize abanya Uganda ngu eihanga tiriraije kugaruka omukukingirwaho n’obu haraabe habarukireho oburwaire bwa Ebola.

Obu abaire nagambira eihanga ny’ekiro, Purezidenti agiizire ngu obwahati, abantu 24 nibo bahaamibwe kuba bakwatsirwe endwara ya Ebola hamwe n’abantu 5 abaitsirwe endwara egi.

Abashaho 6 nibamwe ahabantu 24 abakwatsirwe endwara egi.

Purezidenti akyorekire ngu endwara ya Ebola ekahereruka kuhaamibwa omu ihanga omumwaka 2012. Kandi hoona nobaasa kubwerinda orikunaaba omungaro n’amaizi hamwe na sabuni.

Abahangu omuby’amagara nibagira ngu akakooko akarikureeta Ebola nikaguma kahuriire kumara ebiro 5 aha kintu ekyomire kandi kamara ebiro 14 ahakintu ekiriho amaizi kahuriire.

LEAVE A REPLY