Kooti yaabinga okushaba kw’okukwatanisa emishango ya Ssegirinya na Ssewanyana

229
0
SHARE

Kooti yaabinga okushaba kw’okukwatanisa emishango ya Ssegirinya na Ssewanyana

N’ebya Farooq Kasule

Omuramuzi wa kooti enkuru erikuhurira emishango y’orurengo rw’ensi yoona, Alice Komuhangi yaabinga okushaba kw’abany’ishengyero, Muhammad Ssegirinya na Allan Ssewanyana okw’okukwatanisa okuhurira emanja zaabo.

Obu yaaba nahurira okushaba kwabo eriizooba, Komuhangi yaakyoreka ngu eiteeka niriheereza Director of Public Prosecutions obujunaaniziibwa bw’okucwamu okukwatanisa emanja.

Ssegirinya, orikujwekyera Kawempe North na Ssewanyana owa Makindye West, bombi nibajunaanwa emishango eine akakwate n’obwitsi obwabaire omukyanga ekya Masaka empango omukwamunaana omwaka oguhwaire  kandi batwaire aha  rumanda kwiha Okwamwenda 2021..

Ababiri aba babaire bashabire kooti kuragira DPP kukwatanisa okuhurira  emishango yaabo mukono gumwe.

Erias Lukwago na Medard Ssegoona ba  puriida baabo nibagira ngu emishango yaabo eine akakwate nikwo kushaba ku ehurirwa mukono gumwe.

LEAVE A REPLY