Habaireho butandu 386 z’ahamuhanda, 77 bafiire – Pooriisi

140
0
SHARE

Abantu 77 bafeereire omuri butandu z’ahamuhanda omu eihanga wiiki ehwaire.

Kurugiirira ahari Faridah Nampiima, omugambirizi wa pooriisi ey’ahanguuto naagira ngu omubaro ogu n’ogw’ahagati y’ebiro 18/9/2022 kuhitsya ebiro 24/9/2022.

Omu wiiki ehwaire, pooriisi ehandiikire butandu 398, omuri ezi 66 zibaire ez’akabi munonga, 206 zibaire mbi kandi 126 zibaire zitari mbi munonga.

Ahari butandu 386 ez’ahamuhanda, abantu 77 bafiire kandi abantu 309 batungire obuhuta.

Nampiima nayegyekyerera butandu ezi okuvugisa ekimama, obwire bubi, okukoresa kubi enguuto n’obutakuratira obubonero bw’ahamuhanda.

Beitu hoona pooriisi ekwatsire emotoka 733 ahabw’okukoresa sirens, ebitara omubushobobo hamwe n’okukoresa kubi enguuto omu kikwekweto ekibetsire ‘Towa Fujo Kwa Barabara’

Ahamotoka 733, 700 n’ez’abantu buntu kandi 33 n’eza gavumenti.

LEAVE A REPLY