Abashaho aba intern doctors kwemereza okukora- Mubende.

124
0
SHARE

N’ebya Luke Kagiri,

Obwo okurwanisa endwara ya Ebola omuri Mubende kurikugumizamu, abashaho abarrikukora barikwega ‘Intern doctors’ ah’irwariro erihango erya Mubende niboreka okutiina aha mbeera ei barikukoreramu kandi bahandikire kushaba kuruga ah’irwariro eri.

Omu baruha eteirweho omukono abantu barikurenga omuri 34 ei bohereize owa Dayirekita w’obuheereza bw’eby’amagara omu Minisiture y’eby’amagara, abashaho aba nibagira ngu kuruga Ebola ebarukaho, batwiire nibakorera omu mbeera mbi kandi obwahati nibenda kuruga ah’irwariro.

Omu baruha egi, abashaho aba ‘intern doctors’ hoona nabwo nibakyoreka ngu okubarukaho kwa Ebola kukyenderize aha mubaro gw’abarwaire abarikwija ah’irwariro eri ahabw’okutiina ngu batakwatwa Ebola.

“Titurikutunga bushagiki nk’ebikwato by’okwerindisa hamwe n’akasiimo k’okukorera omu mbeera egumiire,” Okurugiirira aha baruha egyo.

Barikuha enshonga ezindi zirengire omuri 3, ba ‘intern doctors’ nibagira ngu bacwiremu kwemereza okukora kuhisya obu enshonga zaabo zirakorweho.

Omukugarukamu kwe, RDC wa Mubende, Rosemary Byabashaija naagira ngu encwamu y’abashaho ba ey’okwemereza okukora terikwija kuteganisa buheereza ah’irwariro nakakye.

 “Nitubetenga kandi nitusiima obuheereza bwanyu kwonka aha bwire obu, twine abahangu barikumara abarikubaasa kukora nk’abaheeza kucwamu kugyenda”.

#WestUpdates

LEAVE A REPLY