Omuntu owakabiri orikuteekateekwa kuba aine Ebola yaafa  

84
0
SHARE

N’ebya Luke Kagiri

Omuntu owakabiri orikuteekateekwa kuba aine Ebola yaafeera ah’irwariro erya Mubende Regional Referral omu disiturikiti ya Mubende.

Ogu n’omwe ahabantu 14 abagiire ah’irwariro eri baine obubonero burikweshushaniriza nka Ebola Orwakabiri nyomwabazyo ebiro 20/9/2022.

Okurugiirira ahari RDC wa Mubende, Rosemary Byabashaija, omushaija kuruga omugomborora eya Madudu omuri Mubende afiire nyomwabazyo bwanyima y’okuheebwa ekitanda ah’irwariro erihango erya Mubende.

RDC akuriire tiimu eriyo nekoragarana na Minisiture y’eby’amagara kutunga abantu abaine akakwate n’omuntu oitsirwe oburwaire obu aharw’okubanza n’okucondooza abantu 6 abafiire omu muringo gutarikwetegyerezibwa ahakutandika kw’okwezi oku.

Byabashaijja yaagira ngu batungireho abantu 11 abaine akakwate n’omuntu ofiire aharw’okubanza. Aba barimu abantu 10 kuruga omugomborora ya Madudu aharimu omushaija ofiire nyomwabazyo n’abandi 4 kuruga omu disiturikiti ya Kyegegwa.

WestUpdates

LEAVE A REPLY