Omwe yaitwa Ebola omu disiturikiti ya Mubende

176
0
SHARE

Omuntu omwe yaitwa Ebola omu disiturikiti ya Mubende bwanyima y’oburwaire obu kubarukaho omu Uganda.

Omuhandiiki w’entuura omu Minisiture y’eby’amagara, Dr. Diana Atwine yahaamya okubarukaho kw’endwara ya Ebola omurukiiko rw’abanyamakuru orwaba ahambuga nkuru za Minisiture y’eby’amagara omukasheeshe k’eriizooba.

Omugyenzi aine emyaka 24 kandi n’omutuura wa Ngabano, omugomborora ya Madudu omu disiturikiti ya Mubende.

Yakyoreka ngu abandi bantu 6 abafiire omugomborora ya Madudu omu disiturikiti niyo emwe bariyo nibacondoozibwaho.

Atwine yaagira ngu abantu tibashemereire kwerarikiriira agumize ngu Uganda ebaasize kurwanisa endwara ez’amaani ezizire nizibarukaho omu ihanga.

Akakoko akarikurwaza Ebola nikamara ebiro 2 kuhisya 21 kuza kweyoreka kandi omurwaire naba aine obubonero nk’omushwija na bwanyima eshagama etandika kuruga omukanwa, enyindo, amaisho n’obundi bubonero.

LEAVE A REPLY