Babiri kukomwa emyaka 40 abw’okuteeraho kwita omwana ahabwa fene.

123
0
SHARE

N’ebya Edward Anyoli.

Kooti ya Chief Magistrates omu disiturikiti ya Kayunga esingiise abantu 2 orubanja, etyo yabacwera kukomwa emyaka 40 ahabw’okuteeraho kwita omwana w’omwojo w’emyaka 6 ahabwa fene.

Omuramuzi wa kooti egi, Sarah Tusiime asingiise Awali Kivumbi na Paul Ngaswireki orubanja oru arikugira ngu abahababi beebembirwe omuhababi mukuru, Edward Muhumuza kuruga omu ofiisi ya Director of Public Prosecutions (DPP) baretsire obuhame burikwomesereza Awali Kivumbi na Paul Ngaswireki kuba bagyerizeho kwiita omwana ogu aha biro 21/10/2009 omu kyaro ekya Busolo omu disiturikiti ya Kayunga.

“Nikigambwa ngu omwana ogu akaza kukyebere ahari fene ye haihi n’amaka g’abazaire be nikwo kushanga bakitemire bagirya. Emihoro 2 haihi nafene kandi Kivumbi na Ngaswireki nibo babaire bari haihi. Omwana ku yaburize abashaija aba 2 n’oha owarya fene ye, ku yabaire natambura arikugaruka omuka, banyakujunanwa bakamuteera aha mutwe n’ebindi bicweka bye by’omubiri nikwo omwana kugwa kihuumura,” Okurugiirira aha bahababi.

 Tusiime nashoborora ngu omwana ogu akatunga obuhuta aha mutwe, omukono, amabega omugongo kandi akasisikara n’obwongo bwe.

Ofiisi ya mukuru w’abahababi ba gavumenti egyendeire aha bujurizi obu kuhamya ngu Kivumbi na Ngaswireki bakakora orubanja oru.

#WestUpdates

LEAVE A REPLY