Sipapa n’omukazi we baayoherezibwa omunkomo kuhisya 10.10.2022

163
0
SHARE



N’ebya Farooq Kasule na Micheal Odeng

Charles Olim orikukira kumanywa nka Sipapa n’omukazi we Shamilah Nakiyimba baayoherezibwa omunkomo ahabwa sente zirikuhika biriyooni 1 na miriyooni 600 ez’owa Sudan ey’amashuuma. Ah’izooba erya mbwenu, Orwokubanza ebiro 19.09.2022, omuramuzi wa kooti eya Makindye, Esther Adikin, yayohereza ababiri aba omunkomo kuhisya ebiro 10.10.2022 bwanyima y’omutonganirizi wa gavumenti, Hope Rukundo kumanyisa ku okucondooza kuriyo nikugyenda omumaisho.

Okurugiirira ahangyenderwaho y’okucwa emanja, gavumenti neyikirizibwa kuheebwa ebiro birikuhika 180 kukora okucondooza bwanyima y’orubanja kuhika omukooti y’omuramuzi. Okucondooza ku kurikuhwa, orikwebembera eby’okucwa emanja najunaanizibwa kutebeekanisa ebipapura by’obwamushaija kwenda ngu kitabaarizibwa atwarwe omu kooti enkuru kucwerwa orubanja.

Okucondooza ku kurikugumizamu kurenga ebiro 180, kitabaarizibwa natunga obugabe bw’okwemerererwa obwo okucondooza kurikugyenda omumaisho.

Okutabaarizibwa kwa Olim n’omukazi we nikugira ngu, ababiri aba n’abandi abatakatungirwe, nyekiro ah’izooba ry’ebiro 29.08.2022, omuri Bunga-Kawuka omu diviijoni ya Makindye omu disiturikiti ya Kampala, bakaiba ahari Jacob Mul Arok sente zirikuhika 429,000 eza doora. Ah’izooba niryo rimwe, ababiri aba nibagambwa kuba baayibire ahamusudaani ogu esimu y’ekika kya iPhone erikubarirwamu sente zirikuhika 3,200 eza doora ezirikwinga shiringi miriyooni 12 omuza Uganda hamwe na TV y’ekika ekya Samsung erikubarirwamu sente zirikuhika 4,000 eza doora ezirikwingana shiringi miriyooni 15 omuza Uganda n’ebindi bintu.

Okurugiirira ahamushango, ababiri aba nibagambwa kuba baakoreise ebibazi-bazi ahari Arok batakaibire na bwanyima y’okwiba, ekyareeteire yaaremwa kumanya ebirikugyenda omumaisho. Ababiri nibongyera bajunaanwa ogw’okwiba ahari Mary Ateng, Abig Yar na James Manyok kompyuta 2 z’ekika kya Apple, kompyuta eri omunkora eya ‘laptop’, efeeza ezi barikujwara hamwe n’ebindi.

Wiiki ehweire, ababiri bateirwe omumbuga z’ebiragiro ekyarugiriiremu okwoherezibwa omunkomo.

Omushango gw’obushuma niguhenda eiteeka ry’ekiragiro ky’engyenderwaho y’eihanga kandi nigubaasa n’okuheebwa ekifubiro ekirimu n’okwitwa bwanyima y’okusingwa omushango.

LEAVE A REPLY