Emizaano ya FEASSSA eigwirweho omu butongore omuri Arusha.

101
0
SHARE

N’ebya Aloysius Byamukama

Emizaano y’amashomero ga Secondary eya FEASSSA eigwirweho omu butongore ebiro 18/09/2022 aha kishaayi kya Sheikh Abeid omuri Arusha, omu ihanga erya Tanzania.

Bamwe ahabejumbire omu mizaano ya FEASSSA: PHOTO: Aloysius Byamukama.

Enganzi y’eihanga rya Tanzania, Kassim Majaliwa Kassim niwe ajwekiire Purezidenti wa Tanzania aha mukoro ogu.

Omukoro ogu gutandiikire shaaha 4 z’akasheeshe kandi guhikirweho abajwekyerwa ba Uganda kuruga omu Minisiture y’eby’obwegyese obwo beebembirwe Minisita w’eihanga ow’eby’emizaano, Peter Ogwang.

Enganzi y’eihanga rya Tanzania, Kasiim n’abandi ahakutongoza FEASSSA. PHOTO: Aloysius Byamukama.

Abajwekyerwa ba Uganda begaitsire ahabandi kuruga Kenya, Rwanda na Tanzania aha mukoro ogu kubaasa kworeka enkwatanisa ahagati y’amahanga aga.

Arikugambaho n’enkuyanja y’abantu abarimu abeegi b’amashomero, abairuki n’abandi abahikire aha kishaayi kya Sheikh Abeid, Peter Ogwang asimiire ab’ekigombe ekya FEASSSA ahabw’okutebekanisa emizaano egi erikureeta hamwe amahanga g’omukyanga ekya East Africa.

Bamwe aha bajwekyerwa b’amahanga ga East Africa aha mizaano ya FEASSSA omuri Arusha: PHOTO: Aloysius Byamukama.

Ogwang naagira ngu emizaano egi egyendereire kuhamya omukago ahagati y’amahanga g’omuri East Africa.

Enganzi y’eihanga rya Tanzania, Kassim Majaliwa Kassim nawe agambire aha mugasho gw’emizaano egi omu kureetaho enkwatanisa omu mahanga ga East Africa nikwo kushaba abanyamizaano kukoresa entaranta zaabo ezi Ruhanga yabahaire kubaasa kutunga entansya.

Za tiimu ezejumbiire omu mizaano ya FEASSSA omuri Arusha: PHOTO: Aloysius Byamukama

Emizaano egi ekatandika aharwakataano orwa wiiki ehwaire kandi neija kuhendera aharwamukaaga ebiro 24/09/2022.

Gamwe ahamashomero ga Uganda agejumbire omu mizaano ya FEASSSA: PHOTO: Aloysius Byamukama.

#WestUpdates

LEAVE A REPLY