Abanyaagire esente z’emyooga kukwatwa – Minisita

115
0
SHARE

Abanyaagire esente z’emyooga kukwatwa – Minisita

N’ebya Joseph Bahingwire

Minisita w’eihanga orikujunaanwa n’ebitongore ebirikuguza sente, Haruna Kasolo Kyeyune yaaragira abajwekyerwa ba Purezidenti omukyanga ekya Busoga kukwata abayegurize sente za puroguraamu ya Emyooga abaremirwe kushashura sente ezi omu bigombe byabo.

Ebi Kasolo abigambire obu abaire atayaayire ekyanga ekya Busoga kushwijuma oku puroguraamu ya Emyooga eriyo nekora.

Ahaire abantu abatakagarirweyo esente ezi bayegurize okwezi kumwe kuba bazishashwire ninga shi bakwatwe.

Minisita araagire abarikukurira eby’esente omu za disiturikiti kushohoza orukarara rw’amaziina g’abangire kushashura rurikworeka ahi barikutuura kugira ngu kikahwera omu kubakwata.

Ayongyeire yaashaba ba RDC kukwatanisa n’ab’eby’okwerinda kukwata boona abanyagiire esente ezi.

Beitu hoona Minisita Kasolo ashabire abanya Uganda obutajwanzya eby’obutegyeki omu puroguraamu za gavumenti ahabw’okuba nizitandiikwaho kwiha abantu omubworo.

WestUpdates

LEAVE A REPLY