Titurikwija kushagika aba ‘Independent’ omu EALA- aba NRM.

148
0
SHARE

N’ebya Omushaki Weitu

Orukiiko rw’abany’ishengyero ba NRM rwacwamu obutashagika abarayesimbeho nk’abataine bigombe omu karuuru k’okutoorana abajwekyerwa ba Paramenti ya East Africa.

Ebi babigambira omurukiiko orwaba rukuriirwe ceeyamaani wa NRM, Yoweri Kaguta Museveni aha kishaayi kya Kololo, Kampala.

Nyampara wa gavumenti, Dennis Obua arikugambaho n’abanyamakuru yaagira ngu Purezidenti abashabire kutoorana omuntu weena ou barikwenda.

Obua yaagira ngu hoona nabwo orukiiko rwashagika ekiteiso ky’orukiiko rukuru orw’ekigombe orwa CEC eky’okushagika abajwekyerwa 6 ba NRM abariho omu Paramenti ya East Africa ngu ahabw’okuba batwiire nibakora gye kandi ekiragiro eki nikibikiriza kuheereza encuro endiijo.

Abantu 6 aba barimu; Mary Mugyenyi, George Odongo, Denis Namara, Rose Akol, James Kakooza na Paul Musamali.

Aha ntebe 2 ezishemereire kuba ziri ez’ab’orubaju orurikuhabura gavumenti, Obua yaagira ngu Purezidenti yaabashaba kutoorana omuntu weena kuruga omu bigombe ekya; DP, JEEMA na UPC.

Ekigombe ekya DP kyaheerize kurabyaho Gerald Siranda, ekya UPC kyarabyaho Fred Ebil kandi ekya JEEMA kitooroine Muhammad Kateregga kuba nibo bayetsimba omu karuuru k’okutoorana abajwekyerwa ba Paramenti ya East Africa.

Aha biro 29/09/2022, Paramenti neija kutoorana abantu 9 abarajwekyere Uganda omu Paramenti ya East Africa.

#WestUpdates

LEAVE A REPLY