Obushuma bw’amatungo, mukaaga basindikwa ahari rumanda – Mbarara

139
0
SHARE

Obushuma bw’amatungo, mukaaga basindikwa ahari rumanda – Mbarara

Omuramuzi omukuru owa Mbarara, Andrew Kabombo atsindikire abashaija bataano n’omukazi omwe ahari rumanda bwanyima y’okukwatwa barikuteekateekwaho kuba bibire ente. Aba nibaija kugaruka omu kooti ebiro 5/10/2022

Abarikujunaanwa ni Amon Betungura ow’emyaka 36, David Bafaki ow’emyaka 30, Junior Musinguzi ow’emyaka36 na Timothy Timanya boona abatuura ba Bwizibwera, otaireho na Edson Rwomushana ow’emyaka 42 omutuura wa Nkokonjeru na Medius Byomuhangi  Nalongo owa Kamukuzi Mbarara city.

Aba bareebekireho omumaisho g’omuramuzi omukuru owa Mbarara, Andrew Kabombo nikwo kushomerwa orubanja rw’okwiba ente oru boona behakaine.

Gideon Kambamu, mukama w’ente ei babaire bakabaaga ahabiro 10/09/2022 naagira ngu aba bakakwatwa n’enyamaba barikuza kugiguza.

Abatuura ba Bwizibwera nibaagira ngu babaire banyangaire ahabw’abashuma aboosire nibaiba amatungo gaabo.

LEAVE A REPLY