Museveni abugaineho abarikukwatwaho omu by’omwani.

113
0
SHARE

N’ebya Beth Akatukunda

Purezidenti Yoweri Kaguta Museveni abugaineho abarikukwatwaho omu by’omwani aha maka g’obwa Purezidenti, Entebbe omu disiturikiti ya Wakiso nyomwebazyo.

Purezidenti Museveni abugaineho guruupu y’abantu abarimu abahingi b’omwani, abashuubuzi n’abarikukora omu makorero g’omwani kandi baganiire ahanshonga zitari zimwe.

Museveni naagira ngu Uganda teshemereire kuguza omwana ogutasiire batabandiize kugwongyeramu omutindo.

Purezidenti Museveni ashabire abarikukwatwaho omuby’omwani okukwatanisa na gavumenti omu kutunguura omutindo gw’omwani omu Uganda.

Purezidenti ahaire eky’okureebereho ky’ebintu nk’amate ebizire nibyongyerwamu omutindo kuhika aha muheeru.

“Omuri buri kitongore, turiyo niturwana munonga kureeba ngu ebintu byoona byayongyerwamu omutindo”.

Robert Kabushenga, Owabaireho mukuru wa kampuni ya Vision Group kandi hoona omushuganisa w’abarikukwatwaho omuby’omwani niwe ahaireyo obutumwa bwa guruupu yoona.

Kabushenga, Owabaireho mukuru wa Vision Group n’abarikukwatwaho omuby’omwani. PHOTO: PPU

Kabushenga naagira ngu abahingi b’omwani, abashuubuzi n’abarikugusa nibenda gavumenti okubashagika ekabombekyera fakitore y’okwongyera omutindo omu mwani gwaabo.

“Turi aha kutunga obuhabuzi kuruga ahari iwe Purezidenti n’okuhaana amagyezi. Ekigyendererwa kyeitu n’okushaba gavumenti kushagika za kampuni eziri omu ihanga aha kwongyera omutindo omu mwani gweitu”, Kabushenga arikushoborora.

Kabushenga naagira ngu nibashagika okworekwa kwa Purezidenti aha bikwatirine n’omwani.

Dayirekita wa kampuni ya Uganda Vinci Coffee Company, Ahmed Sultan, nawe ahikire omu rukiiko oru kandi ahamiize abarikukwatwaho omu by’omwani ngu kampuni yaabo eyehireyo kubashagika.

Orukiiko oru rwetabirwemu minisita w’eby’esente, Matia Kasaija, omutonganizi mukuru wa gavumenti, Kiryowa Kiwanuka n’bandi bakuru omu gavumenti kandi baikirize ngu abarikukwatwaho babugane bakore encwamu zaabo baziheereze gavumenti.

#WestUpdates

LEAVE A REPLY