Purezidenti Museveni kubuganaho NRM Caucus Orwakataano oru

92
0
SHARE

Ekibiina ekiri omubutegyeki ekya NRM kyayeeta abany’ishengyero b’ekibiina omu rukiiko ahakishaayi ekya Kololo.

Orukiiko oru orukwija kwetabwamu na Purezidenti Yoweri Museveni ori Ceyamaani w’ekibiina eki, nirwija kuhajaana ahakaruuru k’okutoorana abajwekyerwa b’ekibiina kya NRM omu ishengyero ery’amahanga aga East Africa n’ezindi nshonga.

Kurugiirira ahari Nyampara wa gavumenti, Denis Hamson Obua, orukiiko oru n’orwokubaho Orwakataano ebiro 16/9/2022 wiiki egi.

Karaani w’ishengyero, Adolf Mwesige akahinguza ebiro 29/9/2022 nk’eizooba ry’okutoorana abajwekyerwa ba Uganda omu ishengyero erya East African Legislative Assembly (EALA).

Okuronda akaruuru kw’abetsimbirevnikwija kukorwa ah’izooba niryo rimwe. Okuhandiika abarikwenda kwetsimba n’ebiro 19/9/2022 kuhitsya 20/9/2022 bwanyima y’okushashura shiringi miriyooni 3 z’okwehandiikisa.

Encuuro y’abany’ishengyero omu ishengyero eri abariho nehwayo ebiro 17/12/2022.

LEAVE A REPLY