Korea yaahereza Metric Tonnes 6,000 z’omuceeri aha bantu ba Karamoja

87
0
SHARE

Korea yaahereza Metric Tonnes 6,000 z’omuceeri aha bantu ba Karamoja.

N’ebya Mary Karugaba

Gavumenti ya Korea yaahereza Metric Tonnes 6,000 z’omuceeri kuhweraho empungi zirikuhika 350,000 hamwe n’abantu 250,000 abateganisibwe ekizibu ky’enjara omu kyanga ekya Karamoja.

Eby’okurya ebi byahebwayo kurabira omu kitongore ky’eby’okurya eky’ensi yoona ekya United Nations World Food Programme (WFP).

Arikuhayo obuhwezi obu, Entumwa ya Korea omu Uganda, H.E Park Sung-Soo naagira ngu eihanga rya Korea ryehireyo kushagika Uganda omu kuhwera abantu abatarikwebasa n’abarikwetenga eby’okurya.

Naagira ngu omuceeri kuruga omu bantu ba Korea nakamanyiso karikworeka okwehayo kwa Korea omu kuhikiriza obujunanizibwa bw’okuhwera abantu abatatanisibwe hamwe nabatarikwebasa.

Omubigambo bye, Abdirahman Meygag, Omujwekyerwa wa WFP omu Uganda, yaayakira obuhwezi obu kandi nashaba gavumenti n’ebindi bitongore kukwatwnisa hamwe omukurwanisa ekizibu ky’enjara omu Uganda.

Okurugiirira ahari WFP, obuhwezi bw’eby’okurya bwizira omu bwire obu obucweka 40 ahari 100 bw’abantu ba Karamoja barikuteganisibwa ekizibu ky’enjara.

Naagira ngu empungi nsya 86,000 ezatahire omu Uganda kuruga omu kwezi kw’okubanza omwaka ogu nazo ziriyo nizikoresa ebintu nabyo ebiri bikye omu kampu z’empungi omu Uganda.

WestUpdates

LEAVE A REPLY