Gavumenti yaatandika kukora ahambaririra y’eihanga eya 2023/2024.

200
0
SHARE

N’ebya Moses Mulondo

Enganzi Y’eihanga, Robinnah Nabbanja eriizooba 13.09.2022 yaayiguraho omushomo gw’embaririra y’eihanga ogurikutandika n’entwaza y’okukora ahambaririra ey’omwaka gw’eby’esente ogurikwija ogwa 2023/2024.

Enganzi Y’eihanga Nabbanja na Minisita Kasaija ahamushomo gw’embaririra: PHOTO: Moses Mulondo.

Omushomo ogu guriyo nigugyenda omumaisho ahakishaayi kya Kololo kandi gwahikwaho abarikukwatwaho batari bamwe abarimu ebintongore empa buhwezi omuby’entunguuka, ekitongore eky’abantu buntu, n’ebindi bitongore bya gavumenti bitari bimwe.

Bamwe ahabantu abahika aha mushomo gw’embaririra ya 2023/2024. PHOTO: Moses Mulondo.

Nabbanja yaashaba abarikukwatwaho okureeba ngu bahayo ebiteekateeko ebirikwija kuhwera gavumenti omu kutunguura eby’entansya y’eihanga, okukora ahanshonga y’empinduka y’obwire n’okureeba ngu abanya-Uganda batuura omumbeera nungu namunonga obucweka 39 ahari 100 bw’abanya-Uganda abakirikuhingira enda.

Enganzi Y’eihanga Nabbanja n’abandi bakuru ahamushomo gw’embaririra. PHOTO: Moses Mulondo

Aha mushomo nigwo gumwe, Minisita w’eby’esente, Matia kasaija yaagira ngu omu mwaka gw’eby’esente ogurikwija, gavumenti neija kuta amaani aha bintongore by’entunguuka n’okukyendeza ahamihendo y’ebintu.

Minisita Matia Kasaija ahamushomo gw’embaririra ya 2023/2024. PHOTO: Moses Mulondo.

Omushuganisa w’ekitongore ekya Civil Society Budget Advocacy Group (CSBAG), Julius Mukunda naashaba gavumenti okuta amaani ahanshonga y’okukanyisa obwingi bw’eby’okurya n’okukora ahanshonga y’empinduka y’obwire  omu mbaririra y’eihanga ey’omwaka gw’eby’esente ogwa 2023/2024.

#WestUpdates

LEAVE A REPLY