Sipapa aine akakwate n’emishango 12 y’obushuma omuri Kampala – Enanga

186
0
SHARE

Tiimu y’abahangu omu by’okucoondoza omukitongore ekya Pooriisi ya Uganda nibagira ngu ebinkumu bya Charles Olimu a.k.a Sipapa byine akakwate n’emishango 12 y’obuhenda biragiro ebaire omuri Kampala n’emyanya egyehinguririze.

Omugambirizi wa Pooriisi, Fred Enanga naagira ngu obuhenda biragiro obu nibwiha omumwaka 2014 kuhitsya hati na munonga omubicweka ebya Bugolobi, Kampala city, Kira Road, Jinja Road, Kiwatule, Ntinda, Kyanja na Jomayi.

Sipapa orikuteekateekwaho obushuma akakwatwa wiiki ehwaire ahamushango gw’okwibiisa ebirwaniso kandi akatsindikwa aha rimanda n’omukazi we omu kihome ekya Luzira.

Fred Enanga yaagira ngu bwanyima y’okukyebera DNA n’ebinkumu bya Charles Olimu ou baingi barikumanya nka Sipapa bashangire ku aine akakwate n’emishango 12 y’obushuma n’okuhenda amaju g’abantu omuri Kampala n’emyanya egyehinguririze.

Tiimu y’ab’eby’okwerinda neija kumubuuza kana na kataano ahamishango y’obushuma n’okuhenda amaju.

LEAVE A REPLY