Kariisho-riisho wa Gavumenti yaakwata 2 ahabw’okurya ekituga – Terego

128
0
SHARE

Kariisho-riisho wa gavumenti yaakwata abakozi 2 b’eby’amagara abarikukora na disiturikiti ya Terri abarikugambwa kuba bashabire ekituga kya shiringi miriyooni 5.3 kuruga ahari konturakita.

Abakozi aba abamanywa nka Viola Bako na William Bayo bakwatwa na Yeku Masanja, omushuganisa wa TASO.

Kariisho-riisho wa gavumenti naagira ngu abashatu aba nibagambwa kuba bashabire sente kuruga ahari konturakita ou bahaire konturakiti y’okuheereza eby’okurya tiimu y’eby’amagara omu kutendeka eby’amagara omu disiturikiti ya Terego.

Kurugiirira ahakihandiiko kuruga owa Kariisho-riisho wa gavumenti, konturakiti egi ekaba eri eya shiringi miriyooni 16 kandi ekituga ekishabirwe ni miriyooni 5.3.

Omugambirizi wa IGG, Ali Munira yaagira ngu abashatu aba bakwatirwa aha hoteeri ya Frabrica omuri Arua eriizooba bwanyima y’okutungaho ahasente ezi.

Aba bakwatiirwe aha pooriisi eya Arua kandi nibaija kutwarwa omumaisho ga kooti erikurwanisa oburi bw’enguzi omuri Kololo, Kampala wiiki erikwija.

LEAVE A REPLY