Orubanja rw’amarwa agatarikwikirizibwa rwongyezibweyo.

101
0
SHARE

N’ebya Robert Ariaka

Kooti y’eidaara ry’okubanza omuri Arua eyongyeizeyo orubanja ahabantu 3 barikujunanwa emanja 9 omuri orw’okwita batakigyendereire hamwe n’okukora amarwa ga City5 Pinneaple garimu ekirungo kya gin bakagaguza.

Orubanja oru rw’ongyezibweyo kuhisya ebiro 13/09/2022.

Orikukora nk’omuramuzi wa kooti y’eidaara ry’okubanza eya Arua, Tukahaabwa Edgar, asindikire abarikutekatekwaho 3 aha rumanda ngu ahabw’okuba kooti ye teine bushooborozi bw’okusharamu omu rubanja rwaabo.

Orikukora nk’omuramuzi,Tukahaabwa Edgar oyongyeizeyo orubanja. PHOTO: Robert Ariaka.

Banyakutekatekwaho barimu; Rose Inzikuru, Gideon Adule and Godfrey Norman.

Abashatu aba basindiikirwe aha rumanda omu kihome kya gavumenti ekya Arua kuhisya ebiro 13/09/2022 kuba nibwo bagaruka bakarebukaho omu maisho g’omuramuzi wa Chief Magistrate kubashomera orubanja rwaabo nabwanyima ayoherereze orubanja oru omu kooti enkuru kukora aha rubanja oru.

Chief magistrate abaire atari mu kooti kubashomera orubanja. Omu pooriisi orikukora aha rubanja oru agizire ngu Chief Magistrate abaire atarikwehurira gye, enshonga ahabw’enki orubanja rwongyezibweyo.

Aba bakabanza kureetwa omu kooti ahabiro 31/08/2022 bwanyima y’okumara za wiiki omu kihome.

Orubanja rw’amarwa agafungwire rukatabarizibwa aha pooriisi ebiro 20/08/2022 na 21/08/2022 bwanyima y’amakuru kworeka ngu amarwa aga gakaita abantu 14 bwanyima y’okuheeza kuganywa.

#WestUpdates

LEAVE A REPLY