Omukama Oyo atayaayeise abaana b’amashomero omu kweteguurira empango.

249
0
SHARE

N’ebya Rogers Sunday

Omukama wa Tooro, Oyo Nyimba Kabamba Iguru atayaayise abaana b’amashomero aha kikaari kye Karuziika omuri Fort-Portal nyomwebazyo (08/09/2022), omu kwetegurira omukoro gwe gw’empango ogw’omurundi gwa 27 ogurikuza kubaho wiiki erikwija.

Aba batandiikire n’okutambura aha nguuto z’omuri Fort-Portal obwo barikworekyerera aha kashozi Karuziika kubuganaho Omukama.

Ogu gubaire omurundi gw’okubanza, abaana b’amashomero aba kubuganaho Omukama aha kikaari Karuziika bakaganira gye nawe.

Habaireho ebirikushemeza bingi omuri amaziina g’orunyege, amakondere hamwe n’eby’ebyeshongoro by’enzaarwa obwo Omukama arikuganira n’abaana b’amashomero.

Jordan Tumusiime, omwegi wa Purayimare naagira ngu orutaayayo rwe rw’okubanza ahari Karuziika, rwongyeire kumumanyisa kihango aha buhangwa bwa Tooro.

Steven Kiyingi, enganzi y’obukama bwa Tooro naagira ngu emikoro egi egyendereire kwiriza haihi abaana bato n’omukama.

Naagira ngu eki nikija kubahwera kukura baine emicwe mirungi n’okugira obumwe aha bantu ba Tooro kurabira omu by’obuhangwa bw’obukama.

Omukama Oyo ahaire za ‘certificate’ abaana b’amashomero abahikire aha kashozi Karuziika kandi abashabire okukundana n’okurinda obuhangwa bwa Tooro.

WestUpdates

LEAVE A REPLY