Pasita wa Hoima owakwatsirwe yaasindikwa aha rimanda

98
0
SHARE

Pasita wa Hoima owakwatsirwe yaasindikwa aha rimanda

N’ebya Wilson Asiimwe

Omuramuzi wa kooti y’idaara ry’okubanza omuri Hoima eihangwe eri yatsindika Pasita Denis Kintu ow’ekanisa eya Empowerment City Church aha rimanda omu kihome kya gavumenti ekya Kiryatete omuri Hoima.

Kintu yaatwarwa aha rimanda na mutahi we Brian Nsimbe kuhitsya ebiro 9/9/2022 obu kooti erahurire okushaba kwabo kwemererwa.

Ababiri aba nibajunaanwa emishango 17 erimu okuguza abantu, okutuntuuza n’okuretaho okwebaganisamu omuby’ediini.

Kooti eyaba ekurirwe omuramuzi Elijah Iradukunda yahurira ngu ahabiro 28/8/2022 ahakanisa eya Empowerment City Church erikushangwa omuri Kyesiga cella, Hoima West divijooni, Kintu na Nsimbe bakateera abaikiriza b’ekanisa egi. “Kintu na Nsimbe ahabiro 28/8/2022, nikigambwa ngu mukejumba omu kikorwa ky’okuguza abantu n’ekigyendererwa ky’okubakoresa emigyenzo ahari Kyesiga omu Hoima West divijooni,” Iradukunda arikubashomera emishango yaabo.

Kintu akakwatwa pooriisi ekiro ky’orwakashatu wiiki ehwaire bwanyima y’akatambi kujanjaara aha mikura ya intaneeti arikuteera bamwe ahabaikiriza. Akatambi aka kakareetaho okwetomboita omubantu na munonga abebeembezi abajumiriire ekikorwa eki.

LEAVE A REPLY