Abantu 15 bafeera omu mwijuzo gw’amaizi- Kasese.

237
0
SHARE

N’ebya Misairi Thembo Kahungu

Abantu barikuhika 15 baahamibwa kuba bafiire bwanyima y’omwijuzo gw’amaizi oguretsirweho enjura egwiire omu disiturikiti ya Kasese omukiro ekyabusheesha eriizooba.

Ahitwahandikira amakuru aga, abandi bantu3 baaba bakibandamirirwe ekitengure kandi abandi 7 nibo bahutiire. Abahutiire bairukangizibwa omu irwariro kutunga okuragurirwa.

Lt. Maate Magwara, Omuhwezi wa RDC wa Kasese yaagira ngu emibiri y’abantu 15 yaayihwa omu maju agabandamirirwe ekitengure omu gomborota ya Ruhoki, omuri Kasese.

“Amaka maingi gateganisibwe omwijuzo gw’amaizi kandi twacwamu kutwara emibiri y’abagyenzi aha kishaayi ekiri haihi kubaasa kugikyebera” Magwara arikushoborora.

Omwijuzo ogu gwizireho bwanyima y’enjura y’amaani egwiire omu kiro ekyabusheesha eriizooba.

Abantu baingi bahika omu tauni ka Kasika kwegaita aha tiimu y’abantu abariyo nibaronda abandi abakibandamirirwe ekitengure.

Abantu omuri Kasese ah’ebitengure bitsire abantu 15. PHOTO: Uganda Red Cross Society.

Ekikorwa nk’eki kihereruka kubaho emyaka 3 ehingwire obu abantu 4 baafa omu gomborora ya Kitholhu.

Disiturikiri ya Kasese nekira kuteganisibwa omwijuzo gw’amaizi hamwe n’okuteerwa ebitengure.

WestUpdates

LEAVE A REPLY