Omuserukare owatoorokire omu mahe ga UPDF kukomwa omwaka.

134
0
SHARE

N’ebya Douglas Mubiru

Omuserukare wa UPDF owagizire ngu akaruga omu mahe omuri Mbuya, Kampala kuza kuteereza enshonga z’amaka ge atyo akagaruka aha murimo bwanyima y’emyaka 3 acwerirwe kukomwa omwaka gumwe omu kihome.

Private Humprey Musema, 28, omuserukare wa UPDF orikukora n’amahe aga Chieftaincy of Military Intelligence (CMI) ahansi y’ekitongore eky’okurwanisa obuhekyera nyomwebazyo ocweriirwe kukomwa bwanyima y’okwikiriza kuba yatoorokire omu mahe.

Arikuhayo encwamu ye omu rubanja oru, ceeyamaani wa kooti y’ekinyamahe Brig.Gen.Robert Freeman Mugabe agizire ngu ashangire ngu nyakujunanwa ashabire okusasirwa ahabw’ekiyakozire kandi aine eka nikwo kumuheereza ekifubiro ky’okukomwa omwaka gumwe.

Mugabe agambire Pvte Musema ngu aine obugabe bw’okujuriza encwamu egi omu biro 17 byonka yaaba atamazirwe n’encwamu ya kooti.

Lt. Alex Rasto Mukhana niwe ayeebembire orubaju oruhababi kandi we Maj. Silas Kamanda Mutungi na Capt. Nsubuga Busagwa nibo bajwekiire nyakujunanwa.

 “Kooti eyongyeire yaragira ngu bwanyima y’okuheezayo ekifubiro kye eky’okukomwa omwaka gumwe, ashemerire kugaruka omu UPDF kukora kandi oine kutwarwa omu kitongore ekindi,” Mugabe arikuragira.

Abahababi bagambiire kooti ngu aha biro 01/06/2018 obwo ari aha kitebe kikuru kya CMI ekirikushangwa Mbuya, Kampala, Musema akaheebwa akahuumuro k’ebiro 14 byonka beitu ebiro ebyamuhiirwe ku byahwaireyo taragarukire ha murimo kuhisya ebiro 14/04/2022 obu ayetwaara aha kitebe kya CMI kukora.

WestUpdates

LEAVE A REPLY