Abazaire nibenda kutuntumura Heedimisitureesi wa Kigoto – Kitagwenda.

73
0
SHARE

Bamwe ahabazaire abari ahakakiiko k’ishomero erya Kigoto Primary School eririkushangwa omugomborora eya Kicece omuri Kitagwenda bayesharinga obwo barikukinga ofiisi ya ‘Head Mistress’ nk’omuringo gumwe gw’okumubinga ah’ishomero eri.

Mukuru w’eishomero, arikugyezaho kubingwa yaamanywa nka Percy Tusiime kandi ogu abaire yaamara ah’ishomero eri etaamu emwe yonka.

Ekikorwa eki kyayemberwa Ceyamaani wa PTA ahabw’ishomero rya Kigoto Primary School, Sam Kabakyenga.

Okurugiirira ahari Kabakyenga, abazaire nibatura Percy okubaganisamu abashomesa, okureetaho omutindo mubi arikworeka ngu abeegi bakozire kubi omubigyezo bya MOCK, okutaho ebishare birengire ahabazaire kandi atarikubaha risiiti, okwanga kushashura abashomesa abatari ba gavumenti hamwe n’ezindi nshonga.

Percy, orikujunaanwa obwo arikugambira ahasimu yaagira ngu Ceyamaani wa PTA naamuharana kyonka; ngu mbwenu nikyo kirikureetera yaimusya omuriro.

Percy, ou abazaire barikwenda kubinga ah’ishomero rya Kigoto Primary School. PHOTO: Timothy Mushabe

Orikukurira eby’obwegyese aha disturikiti ya Kitagwenda Pius Alibaho beitu hoona we yaajumirira ekikorwa ky’okukinga ofiisi kandi yashoboorora ngu nka disturikiti babaire baataahire omunshonga ezi kandi nikimutangaaza kureeba ngu zikiri ah’ishomero eri.

#WestUpdates

LEAVE A REPLY