N’OBUJUNANIZIBWA BWA UPDF KURINDA EBYETENGO BY’EIHANGA-MUSEVENI

125
0
SHARE

Purezidenti Yoweri Museveni naagira ngu n’obujunaaniziibwa bw’amahe ga UPDF kurinda ebyetengo by’eihanga.

Ebi abigambire nyomwabazyo Orwakataano, 3/9/2022 ah’itendekyero ry’eby’amahe erya Uganda Military Academy omuri Kabamba omu disiturikiti ya Mubende ahamukoro gw’okushohoza abaserukare ba cadet 297.

Omumwaka 2019, itendekyero eri rikaheebwa Makerere University kutandika kukurira puroguraamu y’okuteendeka ba cadet kumara emyaka 3 kubaasa kutunga degree y’emishomo y’eby’okwerinda kurugiirira ahabiragiro by’akakiiko k’eby’okwerinda ak’amahanga ga East Africa.

Purezidenti Museveni agiizire ngu obwire bwona gavumenti etwaire neta amaani omukuheereza okubangurwa, eby’okurya n’ebindi ngu kandi obwire buhikiire gavumenti kutandika kushashura abaserukare kutandikira ah’idaara erya brigadier kugaruka ahaiguru.

Ayongyeire yaagira ngu abaserukare ab’orurengo orwa Major na Colonel nibeija kwongyerwa omushara n’obucweka 50 ahari 100 kandi bo ba privates nibeija kuba nibashashurwa ahagati ya shiringi miriyooni 1-1.5.

LEAVE A REPLY