UPDF ehuumwize Gen. Elly Tumwine emirimo y’amahe.

145
0
SHARE

N’ebya David Lumu

Ekitongore ky’amahe ga UPDF kihumwize Gen.Elly Tumwine emirimo y’ekinyamahe.

Okurugiirira aha mugambirizi w’amahe ga UPDF, Brig. Gen. Felix Kulayigye, ahu Gen. Tumwine afeeriire, ebipapura bye by’okuhuumura kuruga omu mahe bibaire byaherize kuteebwaho omukono.

“Omu bwire obu Gen. Tumwine afeeriireho, abaire yaahuumwire amahe. Purezidenti abaire yaateire omukono aha foomu ze na za ‘Certificates,” Kulayigye nikwo arikushoboorora.

Tumwine afiire ebiro 25.08.2022 kandi afeeriire aha myaka 68.

Aha biro 31.08.2022, Purezidenti Yoweri Museveni, hoona nabwo ori omuduumizi mukuru w’amahe ga UPDF, ahuumwize abaserukare 49 b’eidaara rya General abarimu n’omugyenzi Gen. Elly Tumwine, owabaireho omushugaanisa wa ba mbega Gen.David Ssejusa orikumanywa nka Tinyefuza, obaire ari mukuru wa kooti y’ekinyamahe, Lt. Gen. Andrew Gutti, Lt. Gen. Joram Mugume, Lt. Gen. Prossy Nalweyiso, Maj. Gen. Stephen Kashaka.

Abandi ni; Maj. Gen. Joram Kakari, Maj. Gen. Phinehas Katirima, Maj. Gen. Elly Kayanja, Maj. Gen. Michael Ondoga, Maj. Gen. Geoffrey Muheesi hamwe n’omuhandiiki w’entuura omu minisiture y’eby’obuhingi, Maj. Gen. David Kyomukama Kasura n’abandi bingi.

Museveni agizire ngu aine amashemererwa kushanga ngu ba General 49 hamwe n’abandi baserukare 267 abahuumuziibwe ebiro 30/08/2022, bahuumwire gye.

LEAVE A REPLY