Pooriisi ezoire omubiri gw’omushuubuzi- Bushenyi.

166
0
SHARE

N’ebya Omushaki weitu

Pooriisi omuri Bushenyi ezoire omubiri gw’omushuubuzi omu kidiba ky’amaizi ekirikushangwa aha ruguuto orwa Mbarara-Kasese omu tauni ya Bushenyi.

Omugyenzi amanyirwe nka Fred Mucunguzi, ow’emyaka 48, omushuubuzi w’omu tauni ya Ishaka kandi omutuura wa Buyanja, omu gomborora ya Kyeizooba omu disiturikiti ya Bushenyi.

Omubiri gwe ogubaire niguzerera aha mutwe gw’amaizi gureebirwe abavugi ba boda-boda ababaire bagiire aha kidiba eki kwozya piki zaabo kandi aba nibo bamanyiseho pooriisi.

Omugambirizi wa Pooriisi ahabw’ekyanga ekya Bushenyi enkuru, Martial Tumusiime naagira ngu nibateekateeka ngu Mucunguzi abaasa kuba aitsirwe omubiri gwe bakagureeta bakagunaga omu kidiba eki.

Tumusiime naayongyeraho ngu omubiri gw’omugyenzi gutwirwe ah’irwariro erya Kampala University Teaching Hospital kugukyebera obwo okucondooza omu mushango ogu gurikugyenda omu maisho.

LEAVE A REPLY