Ba Minisita ba Uganda, Rwanda baagiraho orukiiko rw’amahanga gombi omuri Kigali

104
0
SHARE

N’ebya John Masaba

Minisita w’enshonga z’aheeru y’eihanga hamwe n’owa Rwanda baagizireho orukiiko rw’amahanga gombi omu rurembo orwa Kigali omuri Rwanda nyomwabazyo, Orwakana 01/09/2022.

Orukiiko ahagati ya Gen. Jeje Odinga owa Uganda na mutahi we, Dr. Vincent Biruta rubaire nirugumizamu n’okuhaamya omukago ahagati ya Rwanda na Uganda.

Minisita Gen.Jjeje Odongo owa Uganda na Dr. Vincent Biruta owa Rwanda. PHOTO: John Masaba

Omukihandiiko ky’amakwatane ekishohoziibwe bwanyima y’orukiiko, ba Minisita bombi bahaamize ahibahitsya omu kugaruzaho enkwatanisa ahagati y’amahanga gombi.

Bahaamize okwongyera amaani ahanshonga z’eby’okwerinda, entunguuka n’okwongyera ahantaasya y’abantu ba Uganda na Rwanda.

Ababiri aba baasiimire obwebeembezi bw’amahanga aga ahansi ya Purezidenti Yoweri Museveni na Purezidenti Paul Kagame ahabw’okugyezaho kugaruraho omukago gwabo.

Okwakaana omwaka ogu, Kagame akataayaayira Uganda kubuganaho Museveni n’okutaha omukoro gw’okujaguza emyaka 48 y’omuduumizi w’amahe g’ahaitaka kandi hoona ori mutabani wa Purezidenti Museveni, Lt. Gen. Muhoozi Kainerugaba.

Purezidenti Museveni nawe hoona omukwamukaga akaza Rwanda omu rutaayaayo rw’ebiro 4 ahi yaayejumbeire n’omu rukiiko rwa CHOGM.

LEAVE A REPLY