Purezidenti Museveni abugiineho owabaireho purezidenti wa Ireland.

85
0
SHARE

N’ebya Omushaki weitu

Purezidenti Yoweri kaguta Museveni abugiineho owabaireho Purezidenti wa Ireland, H.E Mary Robinson aha maka g’obwa Purezidenti, Entebbe nyomwebazyo kandi baganiire ahanshonga zitari zimwe.

Purezidenti Museveni aine Owabaireho Purezidenti wa Ireland, Robinson. PHOTO: PPU

H.E Robinson ari omu Uganda kuganira ahanshonga zikwatirine n’empinduka y’obwire omu kwetegurira oruterane rw’amaani orw’eby’empinduka y’obwire orurikuza kubaho omukwezi kwa 11 omwaka ogu omuri Sharm El Sheikh, omu ihanga rya Egypt.

Purezidenti Museveni ayakiire H.E Robinson omu Uganda kandi amushabire kuhikaho omu bicweka bitari bimwe by’eihanga kureeba oburungi bwa Uganda n’embeera nungi eri omuri Africa.

Purezidenti Museveni na H.E Robinson. PHOTO: PPU

Amumanyise ngu gavumenti ye etandikire ehuruuru y’okugaruzaho eby’obuhangwa na munonga omu kurinda emyanya y’oburugo bw’amaizi kwenda kwerinda ebizibu ebirikureetwa ekyanda kiringwa.

H.E Robinson abaire ashendekyerezibwe abakuru kuruga omu minisiture y’eby’amaizi n’obuhangwa bw’ensi ababaire beebembirwe Minisita Sam Cheptoris hamwe n’omuhandiki w’entuura omu minisiture, Alfred Okot Okidi.

Museveni na Robinson n’abaindi aha maka g’obwa Purezidenti, Entebbe. PHOTO: PPU

LEAVE A REPLY