Pooriisi ekwatsire Pasita obaire nateera abaikiriza – Hoima

228
0
SHARE

Pooriisi omuri Hoima eine omunkomo yaayo Pasita otwaire nateera abaikiriza b’omukanisa ye obwo arikubajunaana okukora kubi.

Okwatsirwe yaamanywa nka Denis Kintu, omuheereza ahakanisa eya Holy Empowerment Church omuri Hoima, okwatsirwe ahakatambi arikuteera entama ze.

Amakuru agarikwesigwa nigoreka ngu omushaija wa Ruhanga ogu atwaire nateera abakozi omukanisa ye obwo arikubajunaana obutahiikiriza emirimo yaabo.

Nikigambwa ngu Kintu akarundana abakyebezi nikwo kutandika kubateera ahabw’okuba tibarakozire eki yabaire nayenda.

Omwabazyo gwa nyomwabazyo, pooriisi ya Hoima Central Police station bataahiriire ekanisa ya Kintu erikushangwa omuri Kyesiiga omu Hoima West divijooni, bamukwata na bamwe ahabaikiriza.

Omugambirizi wa pooriisi ey’ekyanga ekya Albertine, Julius Allan Hakiza ahaamize okukwatwa kwa Pasita. Obwahati akomiirwe aha pooriisi ya Hoima obwo okucondooza kurikugyenda omumaisho.

WestUpdates

LEAVE A REPLY