Gavumenti yayongyezayo ehuruuru y’okuhandiika aba boda-boda.

93
0
SHARE

N’ebya John Masaba

Gavumenti yayongyezayo ehuruuru y’okuhandiika za boda-boda kumara wiiki 2 ezindi.

Eki nikimanyisa ngu ehuruuru egi eyaaba neteekateekwa kuhendera wiiki egi kutandiika kukwata abatarikukuratira biragiro neija kuba eyemerezibwemu kuhisya ebiro 16/09/2022.

Omu kihandiiko ekyashohozibwa, Ekitongore ekya Kampala Capital City Authority (KCCA) eriizooba (01/09/2022), nikigira ngu kishangire ngu n’abavugi ba boda-boda bingi abatakehandikise nikwo kucwamu kwongyezayo ehuruuru egi.

KCCA yayongyeraho ngu nibaija kwiguraho emyanya yaabo yoona omuri za divijoni zoona 5 ez’omu rurembo rwa Kampala orwakataano (02/09/2022) kwenda ngu aba boda-boda abatakehandikise babaase kuhandikwa.

KCCA ekaba eteireho ekiro ky’ebiro 01/09/2022 nk’ekiro ky’okuhendereraho okuhandiika za boda-boda zoona omu rurembo rwa Kampala.

Abavugi ba boda-boda boona abarikuza kuhandiikwa baine kuhayo endanga muntu y’eihanga, tax identification (TIN) n’akatabo ka log book.

Kuhisya wiiki ehwiire, KCCA ebaire yaahisya za boda-boda 35,000 eziyahandikire omu rurembo.

Ehuruuru egi neijaho bwanyima y’okuragira okwahirweyo y’enganzi y’eihanga, Robina Nabbanja ahabiro 26/07/2022 ngu baine kugaruka kuteereza omu by’entambura ebya boda-boda.

KCCA eriyo nekora ehuruuru egi ekwatanise na minisiture y’eby’entambura na minisiture y’eby’okwerinda.

WestUpdates

LEAVE A REPLY