Emibiri 2 y’abanya Uganda ekwatiirwe ahakishaayi ekya Entebbe

92
0
SHARE

Emibiri 2 y’abanya Uganda ekwatiirwe ahakishaayi ekya Entebbe

By Julius Luwemba

Pooriisi ey’ahakishaayi ky’enyonyi  ekya Entebbe ekwatsire emibiri 2 y’abanya Uganda kubanza kwongyerwa ekakyeberwa ogwakabiri.

Omubiri ogw’okubanza ogwa Frank Lwasa, 42, gukareetwa omu eihanga ekiro ky’orwakabiri ebiro 30/8/2022 kuruga Dubai ahi arikugambwa kuba yaafereire omu irwariro erya Parkview.

Beitu obwo atakafiire ahabiro 29/8/2022, Lwasa nagambwa kuba abaire nakora nk’omukumi w’ekiro omuri Middle East. Enshonga erugiirireho naafa tekamanyirwe. Kurugiirira ahabihandiiko ebitungirwe, Lwasa naruga omu tauni kanso ya Njeru omu disiturikiti eya Buikwe.

Omubiri ogwakabiri n’ogwa Salima Babirye, 24, nagwo hoona ogukwatirwe ahakishaayi eki ebiro 30/8/2022 nikwo kutwarwa omukabafu ah’irwariro erya Mulago kukyeberwa.

Babirye nagambwa kuba yaafeereire Saudi Arabia ahabiro 05/3/2022. Bwanyima yameezi 6, omubiri gwe guretsirwe omu Uganda. Babirye naruga omukyaro ekya Bubutia omu disiturikiti eya Namutumba.

Ahabiro 21/8/2022, pooriisi ey’ahakishaayi ky’enyonyi ekya Entebbe ekakwata omubiri gwa Fred Galiwango, 34, owayitiirwe omu eihanga erya South Africa. Galiwango akaitirwa omuri Langlaagte, Gauteng province, omubiri gwe gutakazooirwe ahabiro 15/8/2022.

Omubiri gwa Galiwango nigugambwa kuba gwashangirwe gushazirwe ngu kandi gukokiibwa bwanyima y’okumwita.

LEAVE A REPLY