POORIISI YAZOORA OMUBIRI GW’OMUSHAIJA OMU MUGYERA- KABALE.

109
0
SHARE

N’ebya Charles Etukuri

Pooriisi omu disiturikiti ya Kabale eriyo necondooza nk’oku omubiri gw’omushaija w’emyaka 27 orikugambwa kuba abaire abuziire gwashangwa omu mugyera gw’amaizi gutematemire aha mutwe.

Elly Maate, Omugambirizi wa Pooriisi ahabw’ekyanga ekya Kigezi yaagamba omugyenzi nka; Surura Turyakira, 27, omutuura w’omukyaro ekya Rukarabo omuri Northen division omu munisiparite ya Kabale kandi naagambwa kuba abuziire kuruga aha pooriisi ya Kabale aha biro 30.08.2022.

“Salim Barugahare, makanika kandi omutuura wa Pider, Upper Bugongi omuri Northern division eriizooba (31.08.2022) yaagaruka yaaza aha pooriisi ahari shaaha nka 09:41am, obwo agumize ngu omubiri gw’omuntu obaire abuziire gwashangwa mu mugyera omuri Rwakaraba, Northern division gutematemire aha mutwe,” Maate arikushoborora.

Naakyoreka ngu pooriisi yaahika aha mwanya kandi omubiri gw’omugyenzi yaagutwara omu kabafu ah’irwariro erihango erya Kabale kwongyera kukyeberwa.

Maate naagira ngu okucondooza kuriyo nikugyenda omu maisho kubaasa kumanya abainazi abaitsire Turyakira.

Naakyoreka ngu baaherize kukwata Gerald Gundu, orikukora aha kabafu ah’irwariro erya Kabale bwanyima y’okugambwa kuba yaashaba ekituga kya shiringi 300,000 kuruga aha banyabuzaare ba Turyakira ngu abaase kubaheereza omubiri gw’omugyenzi kuruga omu kabafu.

Naagira ngu okucondooza kuriyo nikugyenda omu maisho kandi abainazi aba nibeija kutwarwa omu kooti bajunanwe.

LEAVE A REPLY