Okushabira omubiri gw’omugyenzi Kanyomozi- Omuhwezi wa Siipika yamusiima.

110
0
SHARE

N’ebya Beth Akatukunda.

Omuhwezi wa Siipika wa Paramenti, Thomas Tayebwa yaashaba abanyabutegyeki ab’orubaju oruhakani omu ihanga okukorera hamwe n’abatahi baabo ab’ekigombe ekiri omu butegyeki omu kuhisya abantu obuheereza burungi omu ihanga.

Arikugambira aha mukoro gw’okushabira omugyenzi Yonah Kanyomozi- owabaireho minisita w’ebigombe by’abateraine ogwaba aha All Saints Cathedral, Nakasero- Tayebwa yaagira ngu okwebaganisamu omu banyabutegyeki nikuteganisa okuhisya abantu obuheereza burungi.

Tayebwa yaagamba aha mugyenzi Kanyomozi nk’omunyabutegyeki obaire nakunda kuhabura gavumenti n’obu abaire ari ow’orubaju oruhakani atyo nikwo kushaba abanyabutegyeki abandi ab’orubaju oruhakani okutwaza nka we kureeba ngu abanya-Uganda boona batunga obuheereza burungi.

Omuhwezi wa Siipika yaashaba abanyabutegyeki bakuru abarikuba bahumwire obwebembezi obutoosha kuguma nibahandiika ebitabo ebirikukwata aha butegyeki bwaabo kwenda ngu abeebembezi abakiri bato babaase kubegyeraho.

Omu bigambo bye, Karisho risho wa gavumenti, Beti Kamya yaasima omugyenzi Kanyomozi ahabw’emirimo mirungi ei akoriire eihanga eri nikwo kushaba abanyabutegyeki abandi kutwaza nkawe.

LEAVE A REPLY