Abariire eza PDM omuri Kabale barekwirwe

114
0
SHARE

Abariire eza PDM omuri Kabale barekwirwe

N’ebya Job Namanya

Abantu 6 abakoreise kubi esente eza Parish Development Model omuri Kabale barekwirwe bwanyima y’okuheeza ebiro 4 omu kihome.

Aba bakakwatwa aha rwakataano bwanyima y’okushangwa bakaryangatanisa esente za gavumenti ezirikwingana shiringi miriyooni 289.

Aba barimu owabeire ari CAO wa Kabale beitu hati ori Mitooma, Edmond Ntimba hamwe n’abakozi 5 ba disiturikiti egyi abarimu Christopher Namara, District Community Development Officer, Beda Mwebesa, District Production and Marketing Officer na Boaz Kakuru, district planning officer.

Abandi 2 ababeire babuzire abarimu Erasmus Natumanya orikukora nka District Commercial Officer na Julius Mujuni, District Chief Finance Officer bakeereta aha pooriisi ah’eizooba rya Sunday.

Ah’eizooba ry’Orwokubanza, abanyabuzaare na banywani baabo bakasiiba aha pooriisi ya Kabale barikuronda oku bakubaasa kurekura abantu aba.

Aba babaasize kushashura shiringi miriyooni 120 za bond kandi baragaanise okuba baheerizeyo sente ezitsigaireyo omu biro bitaano.

Pooriisi ebaasiize kurekura abantu aba nyomwabazyo Orwakabiri. Elly Maate, omugambirizi wa pooriisi ahabw’ekyanga ekya Kigezi agiizire ngu abantu aba barekwirwe bwanyima y’okushashura sente hamwe n’okutunga okuhaburwa kuruga owa kihababa kubeikiriziibwa kurekurwa obwo okuconcooza kurikugyenda omu maisho.

Jovrine Kariisa, omuhwezi w’orikukurira puroguraamu ya PDM omu eihanga, owabeire akomeise abantu aba ahamiizengu babaasiize kushashura miriyooni 120 kandi okurekurwa kwabo kwikiriziibwe abakuru omu PDM.

Omukwakabiri kw’omwaka ogu, gavumenti ekata esente zirikwingana shiringi miriyooni 400 aha akaunti ya disiturikiti ya Kabale kuhwera omu nkora eya PDM kandi ezi zikaba zishemereire kutsindikwa aha magomborora gatari gamwe na gamwe.

LEAVE A REPLY