Siipika yaashaba ebigombe kuhayo amaziina g’abarikwenda kwesimba omu EALA.

107
0
SHARE

N’ebya Mary Karugaba

Siipika wa Paramenti, Anita Among yaashaba ebigombe byoona eby’obutegyeki okuhayo amaziima gaaba memba b’ebigombe byaabo abu batooroine kwesimba omu karuuru k’okutoorana abajwekyerwa ba Uganda omu Paramenti ya East Africa (EALA).

Naayijusya banyampara b’ebigombe okureeba ngu ebigombe by’obutegyeki byahayo orukarara rw’amaziina g’abantu baabo abu batooroine kwesimba aha ntebe z’obuny’ishengyero ahabwa Paramenti ya East Africa omu kwetegurira entwaza y’okuteera akaruuru aka orikutandika ebiro17/09/2022.

Encuro y’abany’ishengyero ba Paramenti ya East Africa abaruho obwahati nehwayo omu kwezi kwa 12 omwaka ogu.

Enteebekanisa zoona ez’okuteera akaruuru aka nizeija kutandika ebiro 17/09/2022.

N’obu abantu aba barikutooranwa ebigombe byaabo by’obutegyeki, beitu nibateererwa akaruuru omu Paramenti.

Siipika Among naagira ngi amaziina gabarikwenda kwesimba kugarahebweyo, niheija kutebwaho akakiiko k’okugashwijuma akarikwija kuba karuho bamemba kuruga omu bigombe by’obutegyeki bitarikwishana ebiine abajwekyerwa omu Paramenti.

Omu kwezi kwa 7, akakiiko akakuru ak’ekigombe kya NRM aka CEC kakacwamu kureekaho bamemba b’ekigombe eki abarikujwekyera Uganda omu Paramenti ya East Africa abaruho kubongyerayo encuro endiijo, nkakamanyiso k’okubasiima ahabw’okukora gye emirimo yaabo.

Obwahati Uganda, eine abajwekyerwa 9 omu EALA kandi aba barimu: Rose Akol Okullu, Paul Mwasa Musamali, George Stephen Odongo, James Kakooza, Mary Mugyenyi, Dennis Namara boona abarikuruga omu kigombe kya NRM.

Abandi ni: Chris Opoka (UPC), Fred Mukasa Mbidde (DP) na Suzan Nakawuki (Independent).

Bamemba ba NRM nibahayanira entebe 6 omu paramenti ya East Africa erikushutama Arusha omuri Tanzania kandi ebigombe eby’orubaju oruhakani hamwe n’aba Independents baineho entebe 3.

#WestUpdates

LEAVE A REPLY