Abaserukare bakuru ba UPDF barikurenga omuri 200 bahumuzibwa kuruga omu mahe.

367
0
SHARE

N’ebya Henry Sekanjako 

Abaserukare bakuru ba UPDF barikuhika 260 eriizooba (30.08.2022) bahumuzibwa omu butongore kuruga omu mahe.

Omu bahumuzibwa harimu; ba Colonel 62, ba Lieutenant Colonel 65 n’aba Major 133.

Lt. Gen. Muhoozi aine abaserukare abahumuzibwa kuruga omu mahe: PHOTO: Miriam Namutebi.

Omukoro gw’okuhuumuza abaserukare aba gwaaba ahari Bombo Barracks eriizooba kandi gwahikwaho omuduumizi w’amahe g’ahitaka, Lt. Gen. Muhoozi Kainerugaba.

Lt.Gen.Kainerugaba owaba ari omugyenzi mukuru ahakuhuumuza abaserukare: PHOTO: Miriam Namutebi.

Arikugambira aha mukoro ogu ogwahikwaho abaserukare abahumuzibwa n’ab’amaka gaabo, omuduumizi wa kampu egi aha kitebe ky’amahe g’ahitaka ahari Bombo, Maj.Gen. Dr. Lucky Kidega yaasiima abahumuzibwa ahabw’emirimo ei bakoriire eihanga eri na munonga omu kureetaho obusingye n’obucureera omu Uganda.

Lt. Gen. Muhoozi Kainerugaba n’abamwe ahabaserukare abahumuzibwa: PHOTO: Miriam Namutebi.

Beitu hoona Kidega yaashaba abaserukare abahuumura okukuratira ebiragiro hamwe n’okuguma baine emicwe mirungi nk’oku amahe garikuragira.

Abahumuzibwa baheebwa za ‘certificate’ nkakamanyiso kokubasiima ahabw’emirimo ei bakorire amahe n’eihanga ryoona okutwariza hamwe.

LEAVE A REPLY