Gen. Tumwine akaba nayenda kujanjaabirwa omu Uganda – Abashaho

125
0
SHARE

Gen. Tumwine akaba nayenda kujanjaabirwa omu Uganda – Abashaho

N’ebya Carol Kasujja Adii na Michael Odeng

Omugyenzi Gen. Elly Tumwine yaagambwaho nk’omwebembeezi obaire nakunda ihanga rye n’obu abaire arwaire. Tumwine akaitwa ekokoro y’ebihaha ah’irwariro erya Aga Khan omuri Nairobi aharwakataani wiiki ehwaire.

Dr Abrahams Omoding, omuhangu omuby’ekokoro ahari Uganda Cancer Institute agambire abahikire ahamukoro gw’okumushabira omumakagye omuri Nakasero, Kampala nyomwabazyo ngu omumurimo gwe, takareebahoga omuntu mukuru omu gavumenti obaire atarikwenda kujanjaabirwa aheeru y’eihanga.

 “General abaire nakunda ihanga rye, kikatugumira kumutwara aheeru y’eihanga, akaba nayenda ngu ajanjaabwe abashaho ab’omu Uganda,” Dr Omoding arikugamba.

Tumwine akatwarwa Nairobi omunyonyi wiiki ibiri ezihingwireho bwanyima y’okutunga obuzibu omumara.

“N’obu araabe yabaire ataine nshonga n’emibazi omukwamushanju 2022, akatunga obuzibu omukushesha. Kutwamukyebeire, tukashanga ngu oburwaire bwe bukaba buriyo nibukura. Tukacwamu kumuhindurira ahabujanjaabi kutwareebire yaayeyongyera kuhwa amaani” – Dr. Omoding.

Tukamutandikisa emibazi kwonka akeyongyera kuba kubi, tuketa abashaho b’okumushemeza omumara kuruga ah’irwariro erya Mulago beitu byaba ebyabusha. Nikwo kumutwara Nairobi omu irwariro. Bwanyima y’ebiro bibiri, akatunga ekizibu omuntsigo yatunga n’obundi burwaire,” omubigambo bya Dr. Omoding.

Kuyahikire Nairobi, akakiirwa omushaho w’omunya Uganda owamuragurire kuhitsya ahi afeereire.

LEAVE A REPLY