Okushabira omubiri gwa Gen. Elly Tuumwine – Nakasero

194
0
SHARE

Abeeka y’owabaireho Minisita w’eby’okwerinda, Gen. Elly Tumwine eihangwe ry’eriizooba baagiraho okushabira omubiri gwe omumakagye omuri Nakasero, Kampala.

Gen. Elly Tumwine akaitwa ekokoro y’ebihaha ahamyaka 68 aharwakataano omu irwariro erya Aga Khan omuri  Nairobi, Kenya ahi yatwairwe kutunga obujanjaabi bwanyima y’okuba kubi ah’irwariror erya Nakasero omuri Kampala.

Omubiri gwe gwaretwa amahe ga UPDF kutuga ahakitebe kikuru kya UPDF omuri Bombo akasheeshe aka kutwarwa omumakagye ahamukoro gw’okumushabira ogwaba kukurairwe Rev. Rebecca Nyegenye owa All Saints Cathedral.

Arikugambaho ahabw’abaana abarebereirwe Tumwine, James Kamuntu yaagira ngu amaka gaabo omuri Nakasero na Kololo gakaba gatura gaijwire ahabw’abuyabaire nareeberera.

“Gen. Tumwine abaire nankunda kandi akakora buri kirimwe eki ishe omuntu akora. Buri kumbaire ninshoberwa, mbaire nimuhikirira kumpwera kandi twena akabaasa kutushomesa,” Kamuntu arikumugambaho.

Nihaija kubaho okushabira omubiri gwa Gen. Tumwine nk’eihanga nyencakare Orwokubanza, 29/8/2022 ahakishaayi Kololo.

Omubiri gwe nigwija kutwarwa omumakagye omuri Rwemikoma omu disiturikiti ya Kazo na bwanyima aziikwe Orwakabiri omumakagye.

LEAVE A REPLY